თბილისის პროტოკოლის სკოლა” არის პირველი ორგანიზაცია საქართველოში, რომელიც ნებისმიერ მსურველს აძლევს საშუალებას მიიღოს სერთიფიცირებული განათლება ბიზნეს ეტიკეტისა და კორპორატიული პროტოკოლის სფეროში.
სკოლის მიზანია ეტიკეტისა და პროტოკოლის მნიშვნელობის ხაზგასმა და აღნიშული სფეროს შესახებ ცნობიერების ამაღლება.
“თბილისის პროტოკოლის სკოლის” უმთავრეს ამოცანას წარმოადგენს ბიზნეს ეტიკეტისა და კორპორატიული პროტოკოლის სფეროში არსებული ცოდნის გაზიარება, რაც ხელს უწყობს პროფესიული კადრების ჩამოყალიბების პროცესს.
ჩვენ ვთანამშრომლობთ როგორც სახელმწიფო სექტორში მომუშავე, ასევე კერძო სტუქტურებში დასაქმებულ პირებთან. ესენი არიან:
- საჯარო მოხელეები
- დიპლომატები
- საერთაშორისო ორგანიზაციების წარმომადგენლები
- ადმინისტრაციული საქმიანობით დაკავებული პირები
- მაღალი და საშუალო რგოლის მენეჯერები
- ღონისძიების ორგანიზატორები
- საზოგადოებასთან ურთიერთობის მენეჯერები
- ადამიანური რესურსების მართვის სპეციალისტები
- კერძო ბიზნესის წარმომადგენლები
- პირები, რომელთათვისაც ბიზნეს ეტიკეტი და პროტოკოლი წარმოადგენს განსაკუთრებული ინტერესის სფეროს
“თბილისის პროტოკოლის სკოლის” სასწავლო კურსი მოიცავს 2 ძირითად მიმართულებას:
თბილისის პროტოკოლის სკოლის ხელმძღვანელი
“თბილისი პროტოკოლის სკოლის” ხელმძღვანელი და მთავარი ტრენერია ნინო ახალაია. მან სკოლა თბილისში დაამთავრა, ხოლო საერთაშორისო ურთიერთობების სპეციალისტის პროფესიას “მოსკოვის სახელმწიფო საერთაშორისო ურთიერთობათა ინსტიტუტში” (МГИМО-ში) დაეუფლა . ამის შემდეგ ნინომ მაგისტრის ხარისხი ევროპის 10 საუკეთესო უმაღლეს სასწავლებელთა სიაში შემავალ ვარვიკის უნივერსიტეტში (The University of Warwick) მოიპოვა. ორივე შემთხვევაში იყო პრეზიდენტის სტიპენდიანტი. საქართველოში დაბრუნების შემდგომ გაიარა სტაჟირება საგარეო საქმეთა სამინისტროში, მოგვიანებით კითხულობდა ლექციებს საერთაშორისო ურთიერთობების მიმართულებით.
2014 წლიდან ნინო ახალაია ხელმძღვანელობს თბილისის პროტოკოლის სკოლას. გავლილი აქვს ევროპის პროტოკოლის სკოლის (Europrotocol – The European School of Protocol) ტრენერერთა გადამზადების სასწავლო კურსი, რომლის წარმატებით დასრულების შემდეგ მიენიჭა სერთიფიცირებული ტრენერ-კონსულტანტის სტატუსი ბიზნეს ეტიკეტისა და საერთაშორისო პროტოკოლის საკითხებში. ევროპის პროტოკოლის სკოლა აკრედიტირებულია “ბრიტანული აკრედიტაციის საბჭოს” მიერ (British Accreditation Council for Independent Further & Higher Education (BAC) ), რომელიც წარმოადგენს უმაღლესი განათლების ხარისხის უზრუნველყოფის ევროპული ასოციაციის (ENQUA) სრულუფლებიან წევრს.
